Siglir tar il cuntegn
Max Verstappen.
Legenda: Uschia guarda or legria. Max Verstappen dal team da Red Bull po festivar in mument istoric. Keystone

Naziunal/Internaziunal «Incredibel!» - Verstappen daventa pli giuven victur da GP

L'Ollandais gudogna il Grond Premi da la Spagna avant Räikkönen e Vettel. Uschia è Verstappen cun ses 18 onns il pli giuven victur en l'istorgia da la furmla 1.

El ha procurà a Barcelona per la gronda sensaziun. Cun be 18 onns e 228 dis è Max Verstappen daventà il pli giuven victur d’in GP en l’istorgia da la furmla 1. El ha substituì Sebastian Vettel sco purtader dal record. Lez aveva gudagnà ses emprim GP il 2008 a Monza en ina vegliadetgna da 21 onns e 73 dis.

Cun quai n’avess’jau mai fatg quint. Igl è simplamain i si tut ideal. Incredibel!
Autur: Max Verstappen

L’Ollandais è sa distanzià la dumengia a Barcelona dal Finlandais Kimi Räikkönen (Ferrari) e dal quatterdubel campiun mundial Sebastian Vettel (Ferrari).

Il manader da la cuppa mundiala e quatterdubel victur da stagiun Nico Rosberg e campiun mundial Lewis Hamilton eran gia collidads in cun l’auter en l’emprima runda. Omadus pilots da Mercedes èn crudads or.

RR novitads 16:00 / RR Sportissimo 17:00

Artitgels legids il pli savens