Legenda:
L'IOC ed era l'IAAF vulan examinar las rinfatschas da doping.
Keystone
cuntegn
Naziunal/Internaziunal - IOC agescha en il scandal da doping
Suenter il nov scandal da doping vul il comité olimpic internaziunal agir sche las rinfatschas pertutga er ils gieus olimpics. Il mument sa tractia quai però be da rinfatschas uschia ch'i valia il principi da la presumaziun d'innocennza per ils atlets. Uschia il president da l'IOC Thomas Bach.
Lamine Diack, il president da l'associaziun internaziunala d'atletica leva (IAAF) ha annunzià da vulair examinar precisamain las rinfatschas da doping. Els vegnan a s'occupar cun il problem ha ditg il Senegalais a l'ur da la radunanza plenara da l'IOC a Kualu Lumpur.
L'emettur ARD e la gasetta «Sunday Times» avevan rapportà d'ina glista da tests da sang cun valurs da doping. Sin quella duain figurar 800 sportists tranter quels er radund 150 atlets cun titels mundials u olimpics.
