Cun 5 onns ha Jakub Paul gì l'emprima giada ina palutta da tennis en maun. Infizà da ses frar e ses geniturs e da ses idol Roger Federer ha el lu fatg ses emprims pass en il Club da tennis da Cuira. Gia cun 13 onns ha el bandunà ses dachasa e mess sin la charta tennis. El ha fatg la scola da sport a Kreuzlingen e dapi 1 onn è Jakub Paul a Bienna en il center da sport naziunal da Swiss Tennis.
La nominaziun en la Cuppa Davis è stà ina surpraisa e gronda legria.
Ses emprim gieu sin la Tour d'ATP ha Jakub Paul dà questa stad a Gstaad e vegnì en il dubel fin en il quartfinal. Là è il talent grischun crudà si a Severin Lüthi, il capitani da la Cuppa Davis. Ed intginas emnas pli tard ha Lüthi nominà el en il quintet che dat dals 14 fin ils 16 da settember a Bienna encunter la Svezia per restar en la gruppa mundiala dal tennis.
RR actualitad 08:10