-
Bild 1 von 9. KalPa Kuopio –. la squadra la pli giuvna a la cuppa Spengler 2018. Bildquelle: Keystone.
-
Bild 2 von 9. Ils Finlandais da KalPa Kuopio han surventschì il Team Canada. Bildquelle: Keystone.
-
Bild 3 von 9. La Cuppa Spengler va per l'emprima giada en Finlanda. Bildquelle: Keystone.
-
Bild 4 von 9. Cumbat cun tutta forza –. il Canadais Boychuk avant il gol dals Finlandais. Bildquelle: Keystone.
-
Bild 5 von 9. Il final –. en gelg KalPa Kuopio, en cotschen tradiziunal il Team Canada. Bildquelle: Keystone.
-
Bild 6 von 9. KalPa Kuopio anc adina bain en il gieu – . anc in toc en per il segund terz n'han ils Finlandais betg enchaschà in gol. Bildquelle: Keystone.
-
Bild 7 von 9. Goalie Zach Fucale n'ha en l'emprim terz betg laschà ina schanza a KalPa Kuopio. Bildquelle: Keystone.
-
Bild 8 von 9. Il Team Canada al cumenzament dal gieu davant la trofea da la Cuppa Spengler. Bildquelle: Keystone.
-
Bild 9 von 9. Maxim Noreau, il chapitani dal Team Canada. Bildquelle: Keystone.
Cun KalPa Kuopio gudogna per l’emprima giada insumma en l’istorgia dal turnier ina squadra finlandaisa la Cuppa Spengler. Ina squadra giuvna, che ha giugà cun tempo e cor, che n’ha betg dà si cunter in Team Canada, che ha medemamain giugà in turnier ferm.
Il gieu Team Canada vs. KalPa Kuopio
Cun il Team Canada ha giugà il defensur dal titel cunter ils novizs finlandais da KalPa Kuopio. Ina cumbinaziun che laschava sminar, ch'ils Canadais van er questa giada cun la cuppa – ma gia il cumenzament dal gieu ha mussà ch'i na vegn betg simpel:
- L’emprim terz ha cumenzà immediat cun squitsch dals Canadais: direct e svelt davant il gol finlandais, senza saramonas. En il decurs da las emprimas 20 minutas ha quai dentant sa mussà, ch'il bun gieu dals Canadais na sa mussa betg sin la tabella: Als Finlandais èsi gartegià dad evitar in gol canadais – l'emprim terz finescha cun 0:0.
- Il segund terz terminescha sco quai ch’el ha cumenzà – cun 0:0. Il resultat na mussa dentant betg l’intensitad dal gieu. Igl è in gieu attractiv cun schanzas da tuttas duas varts: 22 tuns sin il gol dal Team Canada, 13 da KalPa Kuopio. La dominanza dal Team Canada n’ha però betg tanschì per in gol.
- En il terz terz, suenter 45 minutas da gieu final e 28 tuns sin il gol da KalPa Kuopio, gartegia finalmain a Winnik dal Team Canada da far il 1:0. Dentant: Tar 51' fa Luostarinen il 1:1 per KalPa.
- Il final da la 92avla Cuppa Spengler va en la prolungaziun: Tschintg minutas trais giugaders cunter trais giugaders – nagina decisiun. La cuppa vegn decisa cun sajettar penaltis. Suenter otg penaltis han ils Finlandais da KalPa Kuopio decis il final per sai.
KalPa Kuopio conferma er en il final tar lur emprima cumparsa a la Cuppa Spengler ch'els èn in adversari ch'èn da prender serius. La squadra finlandaisa ha persvadì a la Cuppa Spengler 2018 cun hockey spert ed attractiv, precis tenor il gust da public.
Ils finalists: KalPa Kuopio da la Finlanda ...
Ch'il quint n'è betg be ì si per il public ed ils organisaturs da la Cuppa Spengler mussa la bilantscha sportiva dals Finlandais: Els han gudagnà tut ils trais gieus fin en il final – l'ultim ier saira cun bittar l'osp HCD or da ses turnier da chasa.
Uschia ha la giuvna squadra gia savì nudar tar lur emprima cumparsa al turnier da tradiziun a Tavau in’ulteriura premiera – en l’istorgia da 92 onns Cuppa Spengler è KalPa Kuopio l’emprima squadra finlandaisa che gioga in final.
... ed il Team Canada
Il Team Canada ha persvadì ina giada dapli a la Cuppa Spengler. Ch’ils victurs da l’ultima ediziun da la cuppa defendan lur titel en il final 2018 n’è betg pli ina surpraisa. Er els han gudagnà lur trais gieus per vegnir en il final da maniera suverana.
oSch’ils Canadais gudognan quest final fiss quai betg be lur quarta victoria en seria ma er lur 16avla victoria dal turnier – e cun quai fiss il Team Canada quel team, che ha gudagnà las pli bleras Cuppas Spengler insumma.
RR novitads 12:00 / emissiun live 12:05+