-
Bild 1 von 5. Moderatur Flurin Caviezel discurra en il func da bord, Urs Lehmann, president da Swiss Ski, para da giudair quai ch'el vesa ed auda. Bildquelle: Keystone.
-
Bild 2 von 5. Hugo Wetzel, president FIS Alpine Skis, studegia documents. Bildquelle: Keystone.
-
Bild 3 von 5. Era l'atleta Michelle Gisin è da la partida tar il sgol sur San Murezzan. Bildquelle: Keystone.
-
Bild 4 von 5. Ils chanuns da naiv sajettan gia per ils campiunadis mundials. Bildquelle: Keystone.
-
Bild 5 von 5. La regiun da Corviglia sa preschenta als giasts da Swiss Ski. Bildquelle: Keystone.
A Kloten èn s’inscuntrads l’organisaziun dal campiunadi mundial cun organisaturs, trenaders, atletas ed atlets da Swiss Ski. Il president Hugo Wetzel ed il directur Franco Giovanoli han dà pled e fatg a las medias davart las finamiras organisatoricas al campiunadi mundial da skis.
Per Swiss Ski han discurrì tranter auter il directur Markus Wolf ed ils dus schef-trenaders naziunals Thomas Stauffer e Hans Flatscher davart las finamiras sportivas.
San Murezzan or da perspectiva d'utschè
Ensemen cun intgins atlets hai giu num «fasten your seatbelt». Cun il nov aviun da la Swiss, il Bombardier C Series, è vegnì sgulà da Kloten direcziun San Murezzan e puspè enavos a la plazza aviatica da Turitg.
Tranter auter han organisaturs, trenaders e skiunzs pudì guardar ord la perspectiva d’utschè sin il «Free Fall», la partenza spectaculara da la cursa rapida dals umens sisum la pista Corviglia.
Il campiunadi mundial da ski alpin a San Murezzan è dals 6 fin ils 19 da favrer 2017.
RR actualitad 07:00