Naziunal/Internaziunal - Küng è quart en l'emprim trenament
En l'emprim trenament per la cursa rapida dals umens a Vail/Beaver Creek è il svizzer Patrick Küng vegnì quart. El ha pers 47 tschientavels sin il pli svelt, il norvegiais Kjetil Jansrud.
Segund e terz èn vegnids dus Austriacs: Max Franz e Matthias Mayer. Ils ulteriurs svizzers èn sa tegnids enavos en il trenament. Mauro Caviezel è vegnì 13avel, Didier Defago 16avel. Silvan Zurbriggen è vegnì 45avel e Carlo Janka 48avel.
La cursa rapida dals umens al campiunadi mundial da skis a Beaver Creek è sonda proxima.
