Trais gols en l'emprima mesadad
- En ina situaziun precara ha la Croazia sajettà en la 18avla minuta in autogol. Il giugader Franzos, Griezmann ha pudì sajettar in culp liber. Cun vulair spendrar il gol ha dentant il Croat Mario Mandzukic sajettà l'autogol per la Frantscha.
- En la 28avla minuta vegn la Croazia da gulivar il gieu. Be 10 minutas suenter l'emprim gol per la Frantscha, tutga il croat Ivan Perisic per gulivar la partida.
- Ed anc ina giada be 10 minutas suenter l'ultim gol: Antoine Griezmann ha sajettà in penalti per la Frantscha. Il penalti hai dà perquai che Perisic ha tutga en la balla cun il maun. L'arbiter ha controllà ils purtrets sin il visur.
Trais gols er en la segunda mesadad dal gieu
- Paul Pogba ha sajettà il terz gol per la Frantscha en la 59avla minuta. L'emprim sajet sin il gol è anc vegnì blocca, il segund è lura gia ì en il gol.
- Kylian Mbappé ha sajettà il quart gol per la Frantscha, quai en la 65avla minuta. El è il pli giuven sin il plaz, el ha pudì sajettar il gol quasi nundisturbà, el tutga en il chantun sanester sut.
- Mario Mandzukic ha sajettà il segund gol per la Croazia, quai en la 69avla minuta. Il goli franzos ha durmì per intginas secundas. El n'ha betg vis il pass che Umtiti ha dà enavos ed il Croat ha nizzegià sia schanza.
La Frantscha vs. la Croazia
Nossa redactura Gierina Gabriel ha accumpagnà intgins fans croats durant il gieu. Noss redactur da sport Andreas Wieland è stà cun noss moderatur Gian-Carlo Candinas en il studio ed han commentà ed analisà il gieu.
RR Sportissimo 16:30