Manchentà il final be per pauc ha Isabel Derungs sco 7avla. Carla Somaini è vegnida 8avla ed Arianne Burri 10avla. Dominà il mezfinal ha l'Americana Julia Marino.
Final dals umens è vegnì unfrenda dals vents
Da fertant ch'il percurs da las dunnas è vegnì manà atras, han ils responsabels stuì stritgar il mezfinal dals umens che fiss stà gievgia suentermezdi. Quai pervia ch'i è annunzià ferms vents. Cura ch'il mezfinal dals umens vegn prendì suenter vulan ils responsabels communitgar gievgia saira.
RR novitads 14:00