-
Bild 1 von 6. Gia dapi duas emnas èn las maschinas da la firma TechnoAlpin vi da producir naiv. Bildquelle: RTR, A. Wieland.
-
Bild 2 von 6. La loipa è gia ussa bun 1,5 kilometers lunga. Bildquelle: RTR, A. Wieland.
-
Bild 3 von 6. Dapi l'entschatta da november trenescha era la naziunala svizra da biatlon a Lantsch. Bildquelle: RTR, A. Wieland.
-
Bild 4 von 6. Dapi l'entschatta da november trenescha era la naziunala svizra da biatlon a Lantsch. Bildquelle: RTR, A. Wieland.
-
Bild 5 von 6. Qua vegn la naiv sprizzada or dal container che producescha naiv era tar temperaturas da 10 grads e dapli. Bildquelle: RTR, A. Wieland.
-
Bild 6 von 6. La naiv n’è betg anc sa tschentada en il conturn. Bildquelle: RTR, A. Wieland.
La loipa a Lantsch ha pudì vegnir averta grazia ad in nova tecnologia che sa numna Snowfactory. Igl è ina fabrica da naiv en in container che producescha naiv era tar temperaturas da 10 grads e dapli. Dapi duas emnas èn duas maschinas da la firma TechnoAlpin en funcziun e dapi l'entschatta da november trenescha la naziunala svizra da biatlon a Lantsch.
In gudogn per la regiun ed atlets
Per ils responsabels da l'arena da biatlon enturn il mainafatschenta Silvio Baselgia èsi in project da pilot, in'idea ch'è naschida avant in onn. Cuntents da quest project èn oravant tut ils biatlets svizzers. Quai saja perfect da pudair trenar gia uschè baud sin la naiv, e lura anc a chasa, di il biatlet da Trin Serafin Wiestner.
In zic sceptic da l'entir project è stà a l'entschatta il leader da l'equipa svizra, il Vallesan Benjamin Weger. Oz è el fieu e flomma da la loipa a Lantsch. Quai spargnia era da far gia baud il viadi en il nord da la Scandinavia nua che las relaziuns na sajan savens era betg perfetgas.
Il nov concept da far naiv a Lantsch pussibilitescha era da prolungar la stagiun. En l'avegnir duain vegnir manads atras a Lantsch gia il november camps da trenament per equipas naziunalas ed internaziunalas da biatlon.