Lara Gut ha gudagnà il Super G da las dunnas a Garmisch-Partenkirchen. La Tudestga Viktoria Rebensburg e l'Americana Lindsey Vonn suondan sin ils proxims dus plazs.
Per Lara Gut (24) èsi la tschintgavla victoria da questa stagiun. En il classament general è ella anc 87 puncts davos Lindsey Vonn.
Las ulteriuras skiunzas svizras n’èn betg vegnidas datiers dal podest. Fabienne Suter ranghescha sin plaz 14, Joana Hählen perda bunamain trais secundas sin Gut. Denise Feiereabend è crudada or suenter il segund temp intermediar e Mirena Küng ha manchenta in portal curt avant l’arrivada.
RR novitads 14:00