Las Svizras han battì l'Ecuador cun 10:1, ed han uschia bunas schanzas da sa qualifitgar per ils otgavelfinals. Cun sajettar 3 gols entaifer mo 5 minutas, ha Fabienne Humm procurà per la tripletta la pli sperta en l'istorgia dals campiunadis mundials da las dunnas. In'ulteriura tripletta hai dà da Ramona Bachmann.
Giapun gia vinavant
En il segund gieu da la gruppa svizra han las Giapunaisas gudagnà cun 2:1 cunter il Camerun. Uschia è il Giapun sa qualifitgà per ils otgavelfinals.
La Svizra cun bunas cartas
Quai munta ch’il gieu da mardi che vegn tranter la Svizra ed il Camerun decida, tge squadra ch’arriva en ils otgavelfinals. Grazia a la meglra differenza da gols tanscha in pari a las dunnas svizras.
audio
Sportissimo: Giugadras svizras ha persvas cunter Ecuador
ord Sportissimo dals 13.06.2015.
laschar ir. Durada: 2 minutas 25 Secundas.
