-
Bild 1 von 2. Seraina Ulber, sanester, durant in gieu da l'equipa naziunala. Bildquelle: RTR, Andreas Wieland.
-
Bild 2 von 2. Aldo Casanova, trenader naziunal d'unihoc da las dunnas U19. Bildquelle: RTR, Andreas Wieland.
Duas giadas ad onn datti quest turnier cun ils top 4 dal mund. Per l’emprima giada dapi bun in onn e mez dastgan las giugadras svizras giugar avant ils fans a chasa encunter la crème de la crème da l’unihoc, quai a Schaffusa en la nova BBC Arena. Al turnier dattan tant la naziunala A sco er la naziunala U19 che vegn trenada dapi quest onn d’in Sursilvan, numnadamain dad Aldo Casanova da Mustér. Per el èsi l’emprim grond turnier sco trenader naziunal. Avant ha Casanova trenà durant bun 10 onns differents clubs en la liga naziunala A, tranter auter er il club grischun Piranha Cuira.
Emprova generala
Ils turniers da l’EURO Floorball Tour valan er mintgamai sco emprovas generalas e tests en vista al campiunadi mundial, il punct culminant ch’i dat mintga dus onns. Il 2017 dat la naziunala Svizra da las dunnas il campiunadi mundial en Slovachia, il 2018 dastga la naziunala U19 lura cumbatter per quest titel, e quai a chasa en Svizra.
Dapli: www.eft2016.ch