Naziunal/Internaziunal - Lichtsteiner suttascriva tar Arsenal
Il ballapedist svizzer Stephan Lichtsteiner, mida suenter 10 onns en l'Italia tar Juventus e Lazio, en la Premier League tar Arsenal. Il capitani da la squadra naziunala svizra, ha suttascrit in contract d'in onn tar ils Englais, quai cun l'opziun da prolungar per in'ulteriura stagiun.
Stephan Lichtsteiner po cun quai giugar cun grondezzas gia enconuschentas sco per exempel, Granit Xhaka, Mesut Özil u Héctor Bellerin. A Londra po el cuntinuar sia carriera cun ina nova sfida.
Jau stoi anc ina giada vegnir or da mia zona da confort e passentar insatge ultimativ, ristgar insatge, sentir snavurs.
Venderdi gioga Lichtsteiner ses 100avel gieu internaziunal cun l'equipa naziunala, in gieu da test cunter il Giapun.
