RTR mussa live il derby grischun da la 2. liga; Il gieu tranter las duas megleras equipas dal Grischun: «Cuira 97» encunter «Schluein Glion». Intervistas e valitaziuns, plaschairs e dischplaschairs, rapports ed analisas. Da guardar live ils 16.04.2016 a las 15:45.
La tensiun è garantida
- Cuira 97 parta sco leader è favurit, e cumbatta per la promoziun: Suenter onns da miseria cun bleras midadas da persunal e blessuras para la spirala negativa dad esser sa fermada tar Cuira. Cun in’equipa giuvna e motivada vul l’equipa da la chapitala grischuna cuntinuar sco quai che la runda d’atun è ida a fin.
- Schluein Glion cumbatta encunter la relegaziun: Suenter ina buna partenza en il campiunadi èn ils Sursilvans vegnids in zic sut las rodas en questa 2. liga regiunala. Cun il nov trenader Cyrille Benoit Belinga emprova Schluein Glion da defender questa primavaira il plaz sur il stritg.