Loïc Meillard ha er oz puspè dumagnà sin il podest, questa giada è el segund en il slalom da Saalbach. Sulet il dominatur austriac, Marcel Hirscher è stà pli svelt che Meillard. El ha gudagnà cun in avantatg da 38 tschientavels.
En ils top 10 han dus ulteriurs Svizzers dumagnà. Daniel Yule è 5avel e Ramon Zenhäuser 10avel. Puncts datti era per Luca Aerni sin plazza 17 e Sandro Simonet sin plazza 26.
