Siglir tar il cuntegn
Tom Lüthi daventa sisavel a Jerez.
Legenda: Nagina schanza sin il podest. Tom Lüthi daventa sisavel a Jerez. Keystone

Naziunal/Internaziunal Lüthi senza schanza da podest en Spagna

Tom Lüthi ha terminà il grond premi da la Spagna sin posiziun 6. Il Bernais n’ha betg gì schanza sin il podest perquai ch’el è bunamain cupitgà al start. Dominique Aegerter ha medemamain cuntanschì ils top 10. Gudagnà ha Sam Lowes.

Ils dus motociclists svizzers Tom Lüthi e Dominique Aegerter han manchentà ils top-plazs dal grond premi da Jerez. Lüthi, ch'è partì, da plazza 5, ha pudì evitar ina cupitgada suenter la partenza ed è crudà enavos. La fin finala è el daventà 6avel. Aegerter è vegnida 8avla.

Sco 14avel ha Jesko Raffin recaltgà ses emprims puncts. Ed er Robin Mulhauser sco 15avel ha anc cuntanschì in punct.

Lowes maina vinavant

La victoria a Jerez ha segirà Sam Lowes ch’era partì da la pole position. Per il Brit è quai la secunda victoria da GP. Lowes maina il classament general suenter 4 da 18 cursas da la stagiun. Jonas Folger (Germania) ed Alex Rins (Spagna) èn ids sin ils ulteriurs plazs da podest.

RR novitads 14:00 / Sportissimo 17:00

Artitgels legids il pli savens