Legenda:
Per entant nagin return per Lara Gut e cumpognas.
Il 2013 era la davos cursa mundiala da las dunnas a St. Anton.
Keystone
cuntegn
Naziunal/Internaziunal - Memia pauc naiv per cursa da dunnas a St. Anton
Las duas cursas da cup da las dunnas a St. Anton en l'Arlberg n'èn betg pussaivlas pervi da la pauca naiv. La cursa rapida dals 9 da schaner ed il super-G dals 10 da schaner èn vegnids annullads per motivs da segirezza. Quai han communitgà ils organisaturs.
Malgrà las autras temperaturas han las pistas pudì vegnir preparadas. En ils spazis da crudada hai dentant memia pauc naiv, quai che munta in ristg da segirezza. Ord quai motiv han ils organisaturs annullà las cursas.
Suenter Levi e Minca e St. Anton la terza staziun da la cuppa mundiala che daventa l’unfrenda dal magher enviern. Schebain la cursa vegn cumpensada n’è betg enconuschent. Las cursas dals umens ad Adelboden ed al Lauberhorn - ch'èn er planisadas per il schaner - vegnan tenor infurmaziuns actualas ad avair lieu.
