Legenda:
Il president da l’UEFA suspendì, Michel Platini.
Keystone
cuntegn
Naziunal/Internaziunal - Michel Platini na ceda betg
Il president da la Federaziun da ballape europeica UEFA Michel Platini na ceda betg e tira vinavant ses recurs al tribunal da sport internaziunal a Losanna. Mesemna passada aveva la cumissiun d'appellaziun da la FIFA refusà ses recurs.
L'entschatta d'october aveva la cumissiun d'etica da la FIFA suspendì Michel Platini ed era il president da la FIFA, Sepp Blatter. Quai pervi da pajaments suspectus. Il Tribunal internaziunal da sport vul decider en questa chaussa en il decurs da l'emna che vegn. Quai 3 mais avant las elecziuns d'in nov president da la federaziun internaziunala da ballape FIFA.
