Sa qualifitgads per il final sur 1'500 meters èn ils candidats svizzers sin medaglia Manuela Schär e Marcel Hug. Schär è vegnida terza en sia precursa ed uschia sa qualifitgada directamain per il final.
Marcel Hug ha er suttastritgà sias ambiziuns sin la medaglia d'aur sur la distanza da 1'500 meters. El ha fatg il segund meglier temp en sia precursa. Il final sur 1'500 meters è il mardi saira. En la cursa sur 5'000 meters ha Hug fatg la dumengia la medaglia d'argent, l'emprima medaglia svizra als paralimpics.
RR novitads 06:00