Il pli bler ha Andy Murray pers. Il Scot da 30 onns, che n'ha betg pli giugà dapi Wimbledon, è crudà da plaz 3 sin plaz 16 ed è classà uschè mal sco maina pli dapi il 2008.
Er Novak Djokovic, che ha stuì interrumper sia stagiun anticipadamain pervi da problems cun la spatla ed il cumbel. El è crudà per l'emprima giada dapi 10 onns or dals top 10 ed è classà sco 12avel.
Da nov en ils top 10
Per l'emprima giada tar ils megliers dal mund tutga Jack Sock. L'American da 25 onns ha grazia ses triumf da dumengia als Masters a Paris-Bercy pudì far il sigl da plaz 22 sin plaz 9. Ses contrahent en il final, Filip Krajinovic, ha pudì meglierar sia prestaziun da 44 rangs ed è da nov sin plaz 33.
RR novitads 12:00