Tut ils titels pussaivels da mountainbike ha Nino Schurter gia gudagnà. El è vegni 6 giadas campiun mundial, ha gudagnà trais medaglias a gieus olimpics, ina giada aur. Quest onn ha el lu era anc gudagnà tut las sis cursas da la cuppa mundiala.
Da la prestaziun sportiva ennà è Nino almain quai che Roger Federer è en il tennis.
Tuttina n'è el betg en la sfera da Federer
Era sche Nino Schurter è enconuschent en blers lieus sin tut il mund,na vegn el betg da cuntanscher la popularitad d'in Roger Federer. Perquai ch'il sport da tennis è sez bler pli popular ch'il sport da mountainbike. Ma era sche Nino Schurter na survegn betg tals contracts e pajaments sco Federer, viva el fitg bain. Giusep Fry, il manager dal mountainbiker Sursilvan, di ch'els vegnian da negoziar megliers contracts grazia a las victorias. Pli gronda che la renconuschientscha saja e pli gronda la valita commerziala.