Il campiun mundial e victur als gieus olimpics vul sa concentrar sin la segunda mesadad da la stagiun ed en spezial sin il campiunadi mundial il settember en l'Australia. El veglia nizzegiar il temp per sa revegnir, e per sa preparar sin la proxima cursa da la cuppa mundiala a Mont Sainte-Anne en il Canada.
Ina pausa tradiziunala
Nino Schurter ha gia desistì plirs onns da sa participar als campiunadis europeics. El ha gudagnà las emprimas quatter cursas da la cuppa mundiala da quest onn ed avant in’emna è el daventà per la 6avla giada campiun svizzer.
Medaglias tuttina pussaivlas
Era senza Schurter ha la delegaziun svizra bunas schanzas da recaltgar medaglias al campiunadi europeic a Darfo Boario Terme. Tar las dunnas defenda Jolanda Neff ses titel.
RR novitads 11:00