Legenda:
In bun start:
avant il stop sa chattava Wendy Holdener a la testa dal classament.
Keystone
cuntegn
Naziunal/Internaziunal - Omaduas cursas da skis dattan en la plievgia
Pervia da las temperaturas chaudas datti oz naginas cursas da skis da la cuppa mundiala. Il slalom gigant dals umens a Garmisch-Partenkirchen n’han ins gnanc pudì cumenzar. Pervi da naiv e plievgia era la pista memia loma, uschia ch'i fiss stà memia privlus per ils skiunzs.
Cumenzà avev'ins il slalom da las dunnas a Maribor. Era là era la pista dentant uschè loma, ch'ins ha rut giu la cursa suenter 25 skiunzas.
Donn è quai oravant tut per la Svizra Wendy Holdener. Ensemen cun la Tscheca Sarka Strachova era Holdener numnadamain a la testa dal classament. Michelle Gisin era otgavla.
