Naziunal/Internaziunal - Pätz partida mal en il campiunadi svizzer
Las defensuras dal titel e campiunessas mundialas da Baden Regio, cun il skip Alina Pätz, han pers ils emprims dus gieus dal campiunadi svizzer a Flem. Las autras favuritas, Flem cun il skip Bignia Feltscher ed Aarau cun Silvana Tirinzoni han gudagnà lur emprims dus gieus.
Legenda:
Alina Pätz, il skip da Baden Regio, è partida mal en il campiunadi svizzer a Flem.
Keystone
Tar ils umens han ils favurits Adelboden, cun il skip Sven Michel, e Genevra cun il skip Peter De Cruz gudagnà mintgamai 3 gieus. L'emprim da dus duels directs datti pir en la tschintgavla runda. I vegn spetgà che Adelboden e Genevra vegnan a dar il final dal campiunadi svizzer.
Modus:
Avrir la boxSerrar la box
Ils mintgamai 6 teams dattan ina dubla Round Robin (mintgamain 10 gieus). Vinavant vegnan las emprimas 3 equipas tar las dunnas sco era tar ils umens.
