Tut en tut ha mintgin da far 6 segls ord in helicopter en l’autezza da 1000 meters cun la finamira da sa tschentar sin in punct central sin ina matta tschentada sin ina plaunca. L’autra disciplina è d’absolver in slalom gigant (2 percurs) a Lai Alv en il territori da skis da Mustér.
Para-Ski è naschì en il Grischun
Sias ragischs ha quest sport da Para-Ski en il salvament alpin. Pli baud salvavan paracrudaders persunas tschiffadas d’ina lavina en las muntognas. Sin skis vegnivan las persunas blessadas lura manadas a val. I na duvrava pia betg mo buns skiunzs, mabain era paracrudaders cun rutina ed experientscha che vegnivan da sa tschentar exact en il lieu d’accident. Uschia è naschia questa disciplina.
L’emprima concurrenza da Para-Ski è stada il 1963 a Flem. 10 onns pli tard, il 1973, ha Flem era manà atras l’emprima concurrenza internaziunala da la cuppa mundiala.
-
Bild 1 von 7. 1000 meters sur Mustér èsi da siglir en il nagut. Bildquelle: RTR, Andreas Wieland.
-
Bild 2 von 7. Siglir ord il helicopter – 1000 meters sur il terren. Bildquelle: RTR, Andreas Wieland.
-
Bild 3 von 7. Pigliar en mira la matta. Bildquelle: RTR, Andreas Wieland.
-
Bild 4 von 7. En mira: La matta sin la plaunca. Bildquelle: RTR, Andreas Wieland.
-
Bild 5 von 7. Ed i gartegia. Bildquelle: RTR, Andreas Wieland.
-
Bild 6 von 7. Lura vinavant tar il proxim da total 6 sigls. Bildquelle: RTR, Andreas Wieland.
-
Bild 7 von 7. Il vicepresident da la cuppa mundiala da para-ski Andi Duff a Mustér. Bildquelle: RTR, Andreas Wieland.
RR actualitad 06:00