Gia a l'entschatta da la cursa era Lüthi a la testa e quella ha el defendì sur l'entira distanza. Il leader dal classament general Johann Zarco è vegnì segund, plazza 3 ha segirà il Talian Franco Morbidelli. L’ulteriur Svizzer Jeko Raffin ha manchentà las plazzas da puncts sco 17avel per prest 4 secundas. Robin Mulhauser è gia crudà ora suenter paucas rundas.
Marc Marquez gia campiun en la Moto GP
En la Moto GP è il Spagnol Marc Marquez anticipadamain campiun mundial. Quai gia per la terza giada en sia carriera. Marquez ha gudagnà il Grond Premi dal Giapun a moda suverana, fertant che ses dus contrahents Valentino Rossi e Jorge Lorenzo èn crudads or.
RR novitads 06:30 +