La stagiun 2018/19 è gia uss ina stagiun dad emblidar per ils Grischuns. Per che la stagiun na daventa betg ina stagiun da horror, vali uss da gudagnar la seria cunter Rapperswil.
Situaziun nova per il HCD
Dapi ch'il HCD è puspè vegnì en la liga naziunala A il 1993, ha il club mai stuì dar playouts. Adina è il club sa qualifitgà per ils playoffs. Cler ch'igl è ina situaziun nova per la gronda part dals giugaders ed er per l'entir conturn dal club.
L'entira situaziun è terribla.
Sin il palpiri ha il club da hockey da Tavau la meglra equipa. Il CEO Marc Gianola sa dentant, ch'i spetga in dira seria cunter Rapperswil. En ils playouts na decidia betg la tecnica u la cundiziun.
En ils playouts gudognan ins mo sur il cumbat.
-
Bild 1 von 4Legenda: En la seria vegn il cumbat a giugar ina rolla decisiva. Keystone -
Bild 2 von 4Legenda: Era la gnerva vegn a decider il duel tranter Tavau e Rapperswil. Keystone
-
Bild 3 von 4Legenda: Chatta Harijs Witolinsch ils dretgs pleds per la seria cunter ils Rapperswil-Jona Lakers? Keystone
-
Bild 4 von 4Legenda: Jeff Tomlinson e sia equipa vulan ch'il HCD vegn anc pli fitg en la miseria. Keystone
Duels durant la stagiun 2018/2019
- 25-09-2018: Tavau 2:0 Rapperswil
- 30-10-2018: Rapperswil: 1:2 (OT) Tavau
- 27-11-2018: Tavau 3:4 (OT) Rapperswil / Cuppa svizra
- 18-01-2019: Tavau 4:2 Rapperswil
- 26-02-2019: Rapperswil 1:3 Tavau
- 09-03-2019: Tavau 1:3 Rapperswil
- 23-03-2019: Rapperswil 2:1 Tavau
Ils gieus tranter il HCD e Rapperswil èn stads fitg gulivads questa stagiun. Quests resultats mussan, ch'ins sto spetgar ina seria, nua che detagls vegnan a far la differenza.
RR actualitad 17:00