Per il giugader da ballape da la Brasilia, Neymar è la Coppa America tant sco terminada. Suenter la terrada da la Brasilia cunter la Columbia aveva Neymar sajettà ina balla or da curta distanza sin in giugader columbian. Quai ha chaschunà ina rabantscha. Persuenter ha Neymar survegnì la carta cotschna ed è vegnì serrà per 4 gieus.
Cunter questa decisiun, sco er cunter ina multa da 10’000 dollars po el anc far recurs. Il giugader columbian Carlos Bacca, ch'è medemamain stà cumpiglià en la rabantscha, è vegnì serrà per 2 gieus.
RR novitads 12:00