Naziunal/Internaziunal - Puspè in turnier da tennis da WTA en Svizra
Uss èsi uffizial: A Gstaad datti quest onn dasper in turnier da tennis d’ ATP er in da WTA. In'emna avant ils umens datti per l'emprima giada dapi il 1983 er in turnier da dunnas.
L’ultim turnier da tennis da dunnas en Svizra è stà il 2008 a Turitg. Il «Ladies Championship Gstaad» remplazza il turnier da Bad Gastein en l'Austria. Tge stars che vegnan ad esser da la partida dasper las svizras Belinda Bencic e Timea Bacsinszky, n'han ils organisaturs anc betg pudì communitgar.
