Swiss Olympic ha selecziunà tschintg biatletas e tschintg biatlets per ils gieus olimpics a Pyeongchang. Da quels diesch èn gist tschintg dal Grischun, numnadamain las trais soras Selina, Elisa ed Aita Gasparin sco era Irène Cadurisch e Serafin Wiestner. Sco trumfs svizzers valan il vallesan Benjamin Weger e Selina Gasparin che veva gudagnà avant quatter onns a Sotschi sco emprima svizra insumma ina medaglia en il biatlon, numnadamain argient en la cursa cun partenza singula.
RR novitads 15:00