Legenda:
Jeannine Gmelin po ir als gieus olimpics a Rio grazia a sia qualificaziun en il final.
Keystone
cuntegn
Naziunal/Internaziunal - Rembladers svizzers qualifitgads per gieus olimpics
La bartga da quatter leva e la skifra Jeannine Gmelin ha cuntanschì a moda suverana il final dal campiunadi mundial da remblar ad Aiguebelette en la Frantscha.
Uschia èn els era sa qualifitgads per ils gieus olimpics da Rio. Lucas Tramer, Simon Schürch, Simon Niepmann e Mario Gyr han gudagnà cleramain lur mezfinal. Sco campiuns d'Europa e victurs dal classament general da la cuppa mundiala valan els sco gronds favurits per il titel. Gmelin è vegnida segunda en ses mezfinal.
