Legenda:
Beat Feuz sto anc survegnir il sentiment per la cursa
Keystone
cuntegn
Naziunal/Internaziunal - Resultats mediochers en il trenament al Lauberhorn
Il sulet trenament per la cursa rapida al Lauberhorn n'è betg ì bain per ils skiunzs Svizzers. Sulettamain Carlo Janka ha pudì tegnair in zic pli pitschen il retard sin il meglier dal trenament, Aksel Lund Svindal da la Norvegia.
Carlo Janka è vegnì, sco meglier Svizzer, 11avel. Er il comeback da Beat Feuz n'è betg propi grategià. El ha pers bler temp al Canadian Corner ed è ì tras l'arrivada cun in retard da 4'35'' sin Svindal. Feuz n'ha anc betg decidì schebain el parta per la cursa da sonda.
Pervi da la tschajera han ils organisaturs stuì scursanir in zic la cursa. Ella ha cumenzà in pau pli engiu che usità.
La cursa rapida dals umens al Lauberhorn a Wengen è previsa sonda a las 12.30 uras.