Legenda:
Roger Federer durant il mezfinal a Wimbledon la stad passada.
Keystone
cuntegn
Naziunal/Internaziunal - Roger Federer resta il favurit dals fans da tennis
Ils fans han elegì il Svizzer per la 14avla giada en seria sco il pli popular giugader da tennis dal mund. Federer che n’ha betg pli pudì dar in turnier dapi il fanadur, ha gudagnà avant Andy Murray, Rafael Nadal, Novak Djiokovic e Kei Nishikori.
La distincziun sco trenader dal onn è vegnida surdada per l’emprima giada, e va al Svedais Magnus Norman, il trenader da Stan Wawrinka. Il meglier nov giugader dal onn è il Tudestg Alexander Zverev. E l’Argentin Juan Manuel del Potro, ch’è daventà segund al turnier olimpic a Rio de Janeiro, è vegnì undrà per ses comeback.
Il resultat da la votaziun dals fans da tennis ha la ATP communitgà avant il final da la stagiun, cura ch’ils megliers otg giugaders dal mund sa scuntran a Londra.
