Legenda:
Suenter tschintg emnas pausa returna Roger Federer cun ina victoria a Cincinnati.
Keystone
cuntegn
Naziunal/Internaziunal - Roger Federer returna cun victoria
Roger Federer è suenter sia terrada a Wimbledon returnà cun ina victoria sin la tura d'ATP. A Cincinnati ha il Svizzer gudagnà cunter il Tudestg Peter Gojowczyk en dus sets cun 6:4 e 6:4.
Dapi il turnier da tennis a Wimbeldon, e sia terrada en il quartfinal, ha Federer fatg ina pausa da tschintg emnas. Uss para il «maestro dal tennis» da esser pront e fit per las proximas sfidas.
Sco proxim frunta Roger Federer en l'otgavel final a Cincinnati sin l'Argentin Leonardo Mayer. Suenter che Rafael Nadal ha ditg giu il turnier, è Federer sco numer 2 dal mund il meglier qualifitgà giugader a Cincinnati. Fin uss ha Federer gudagnà il turnier da Cincinnati set giadas.
