Roman Bürki sa concentrescha cumplettamain sin il cumbat cun Roman Weidenfeller per la posiziun da goli numer 1. Sulet esser ina part da Borussia Dortmund saja memia pauc, di Roman Bürki. Sia finamira è da daventar il goli da tschep tar ses nov club. Cun Roman Weidenfeller è la concurrenza dentant gronda. Weidenfeller dat dapi 13 onns tar il BVB ed è quasi ina legenda.
audio
Saira: Il goli svizzer Roman Bürki trenescha cun Borussia Dortmund a Bogn Ragaz
ord Actualitad dals 21.07.2015.
laschar ir. Durada: 1 minuta 36 Secundas.
En in mais cumenza la Bundesliga
Actualmain sa prepara Borussia Dortmund a Bogn Ragaz sin la nova stagiun. Il BVB è uschia gia per la 5avla giada en in camp da trenament en la regiun dal Heidiland. La nova stagiun da la Bundesliga cumenza mez avust. Borussia Dortmund frunta en l’emprima runda sin Borussia Mönchengladbach.