Legenda:
Sandro Viletta durant il trenament a Beaver Creek a Colorado, ils 3 da december 2015.
Keystone
cuntegn
Naziunal/Internaziunal - Sandro Viletta manchenta la davosa cursa rapida dal 2015
L'equipa svizra da cursa rapida vegn pli e pli pintscha. Suenter il campiun mundial Patrick Küng desista uss er Sandro Viletta da la cursa rapida da Santa Caterina da mardis, ils 29 da december.
Viletta - ch'è campiun olimpic en la super-cumbinaziun - era crudà l'emna passada durant il trenament per la cursa rapida da Val Gherdëina ed aveva blessà in schanugl.
Cunquai che la blessura n’è anc betg curada cumplettamain, manchenta il skiunz da La Punt Chamues-ch la davosa cursa rapida l’onn 2015. Er Patrick Küng sto desister pervia da problems cun in schanugl.
