La suprastanza da Sauber ha confermà d'avair relaschà Kaltenborn, quai paucs dis avant il grond premi d’Aserbaidschan. I haja dà differenzas en tge direcziun che l'equipa duaja ir.
Ch'i haja dentant dà ina dispita pervia da privilegis envers in dals dus pilots ha Sauber però refusà. Avant era vegnì speculà che sponsurs svedais hajan pretais ch'il pilot svedais Marcus Ericsson vegnia privilegià envers il tudestg Pascal Wehrlein e che Kaltenborn haja refusà quai.
Monisha Kaltenborn haja gia bandunà il team da Sauber. Il proxim grond premi stat uschia sut la direcziun dal manager da team Beat Zehnder e ses directur tecnic Jörg Zander hai gì num.
Dapi il 2012 en ina funcziun dubla
Monisha Kaltenborn è stada dapi il 2010 CEO (schef executiv operativ) dal team da Sauber a Hinwil. Dapi il 2012 è Kaltenborn anc stada scheffa da l’equipa. La successura da Peter Sauber è stada l’emprima dunna en quest post en la furmla 1.
RR novitads 06.00