Naziunal/Internaziunal SC Berna frunta sin ils ZSC Lions

En ils mezfinals da la cuppa svizra da hockey sin glatsch frunta il SC Berna sin ils ZSC Lions e Losanna dat encunter il Kloten Flyers.

Uschia vegni a Berna tar il medem mezfinal sco gia avant in onn. Lura veva il SCB battì ils Lions cun 2:1.

Atgnamain avessan ils ZSC Lions gì il dretg da chasa. Damai ch’il Hallenstadion a Turitg è occupà durant las sairas da mezfinal ils 5 e 6 da schaner 2016 vegn giugà en l’arena da Berna.