Legenda:
La sanadad ha auta prioritad – Breel Embolo desista dals dus proxims gieus da la naziunala svizra.
Keystone
cuntegn
Naziunal/Internaziunal - Senza Embolo e Bürki – premiera per Von Ballmoos
Ord raschuns da sanadad na stattan il goli Roman Bürki e l’attatgader Breel Embolo betg a disposiziun per ils dus proxims gieus da la Nations League. Venderdi che vegn dattan ils Svizzers ordaifer cunter la Belgia, il glindesdi lura sin l’Islanda.
Il goli da Borussia Dortmund Roman Bürki ha problems cun las eglias, l’attatgader da Schalke Breel Embolo patescha d’ina blessura da la spatla. Omadus han bandunà l’equipa naziunala paucas uras suenter la reunida a Turitg.
Il trenader da la naziunala Vladimir Petkovic ha nominà sco ulteriur goli David von Ballmoos dals Young Boys, e per quel èsi l’emprima nominaziun en la naziunala. L’attatgader che remplazza Embolo è Renato Steffen dal VfL Wolfsburg, ch’aveva fatg part la davosa giada la primavaira 2017 da la naziunala svizra.