Legenda:
Als gieus olimpics da Sotschi è Anna Holmlund vegnida terza.
Keystone
cuntegn
Naziunal/Internaziunal - Skicross: Holmlund en coma
L’atleta svedaisa da skicross Anna Holmlund è en il coma suenter in accident en il trenament. Holmlund, ch’era vegnida terza als gieus olimpics da Sotschi, è sa fatga mal ferm il chau tar ina cupitgada a Bozen.
Tenor indicaziuns dal schef da l’equipa naziunala svedaisa ha Holmlund gì sanganadas dal tscharvè. L’operaziun d’urgenza saja ida bain. La dunna da 29 onns è vegnida messa en in sien profund. Ella sa chatta actualmain sin la staziun intensiva. Ma il stadi da sanadad da Anna Holmlund vegn tuttina definì sco instabil.
Anna Holmlund è ina da las meglras skicrossistas dal mund. Ella ha gudagnà 19 giadas in cup mundial. Tar ils gieus olimpics a Sotschi è ella vegnida terza.
