Legenda:
Sven Michel è vegnì terz al campiunadi europeic 2014 a Champery.
Keystone
cuntegn
Naziunal/Internaziunal - Skip Sven Michel rinforza team Adelboden
En il curling dals umens svizzers datti ina fusiun da duas fermas equipas. Il skip Sven Michel, il campiun europeic da 2013 furma ensemen cun ils campiuns svizzers Marc ed Enrico Pfister il nov team dad Adelboden. Il quart commember è Simon Gempeler.
La nova constellaziun dal team Adelboden suenter mo ina stagiun munta ch’ins sa separa dals dus commembers da la Svizra Centrala Stefan Meienberg e Florian Meister. Mo motivs sportivs hajan manà a quella decisiun ha declerà il coach Robert Hürlimann. Denter ils giugaders saja tut bun ed ins haja gì ina excellenta stagiun.
