Legenda:
Las cundiziuns da l'aura a Park City fan nunpussaivel da laschar ir ils snowboardists sin la schanza da Big Air.
Keystone
cuntegn
Naziunal/Internaziunal - Snowboard: Big Air stritgà a Park City
Il Big Air al campiunadi mundial da snowboard e freestyle a Park Citiy vegn stritgà. Pervia da las nauschas previstas da l'aura, na possian ins betg far la concurrenza ch'avess gia gi lieu questa notg, communitgeschan ils organisaturs.
Tar ils snowboardists na datti quest onn nagin campiun mundial en il Big Air. La disciplina ha stuì vegnir stritgà pervi da las nauschas cundiziuns da l'aura. Aifer las proximas 24 uras duaja anc ina giada dar blera naiv e las temperaturas crodian vinavant.
La Svizra fiss stada represchentada en il Big Air da Sina Candrian ed Isabel Derungs tar las dunnas e Moritz Thönen e Nicolas Huber tar ils umens.
