Legenda:
Steve Guerdat e ses chaval Nino Des Buissonnets han gudagnà aur als gieus olimpics 2012 a Londra.
Keystone
cuntegn
Naziunal/Internaziunal - Steve Guerdat n'è betg culpant
Il victur olimpic Steve Guerdat e la chavaltgadra Alessandra Bichsel èn liber da tuttas rinfatschas da cumportament sbaglià u negligientscha en la procedura d'anti doping. La federaziun mundiala dal sport da chavals FEI ha renconuschì tut ils mussaments che Guerdat ha preschentà.
Davent l'entschatta da la procedura da doping è vegnì supponì che la contaminaziun da pavel saja il motiv per ils resultats positivs da doping. Guerdat ha pudì cumprovar questa supposiziun uschia ch'ils 3 chavals (Nino des Buissonnets e Nasa da Steve Guerdat, e Charivari da Alessandra Bichsel) èn puspè libers.
Las emprovas da doping èn derivadas dal turnier a La Baule en Frantscha. Steve Guerdat aveva gudagnà il Grond premi cun ses chaval Nino des Buissonnets. Il di avant er'el chavaltgà cun il chaval Nasa.
