Legenda:
Il skip svizzer Sven Michel sa concentrescha durant il gieu cunter la Scozia.
Keystone
cuntegn
Naziunal/Internaziunal - Svizra batta la Scozia
Suenter la terrada cunter ils Stadis Unids ha la Svizra pudì meglierar sia bilantscha. Cunter la Scozia ha il CC Adelboden gudagnà cun 5:4 suenter end supplementar. Tuttina dovra l'equipa en las ultimas partidas victorias sch'ella vul sa qualifitgar per la fasa finala.
La bilantscha intermediara per la Svizra munta 3 victorias e 4 terradas. Almain matematicamain ha l'equipa svizra anc schanzas da sa qualifitgar per ils playoffs da las meglras quatter equipas. La Svizra sto dentant gudagnar tuttas partidas restantas, e quai tranter auter cunter ils gronds favurits per il titel la Norvegia ed il Canada.
