L’equipa dal trenader Glen Hanlon gioga las partidas da gruppa a Moscau. En la gruppa B èn sper la Svizra era las equipas naziunalas da la Tschechia, da la Svezia, la Lettonia, la Norvegia, il Danemarc, la Russia ed il Kasachstan. Sin la glista da rangaziun mundiala è la Svizra sin plaz 7 sco gia avant in onn.
Gruppa A
La gruppa A cun il defensur dal titel Canada gioga las partidas da gruppa dal campiunadi mundial da hockey 2016 a St. Petersburg. En la gruppa A èn era ils Stadis Unids, la Finlanda, la Slovenia, la Frantscha, la Germania, l’Ungaria e la Bielorussia.
Gieus olimpics 2018
Atras la nova glista da rangaziun mundiala è ussa era enconuschent encunter tge equipas che la Svizra gioga las partidas da gruppa dals gieus olimpics 2018 a Pyeongchang. Lura dat la Svizra encunter il Canada, la Tschechia e la Corea dal sid.