Legenda:
Pablo Brägger è vegnì 11avel en la concurrenza multidisciplinara.
Keystone
cuntegn
Naziunal/Internaziunal - Svizra sa qualifitgescha per ils gieus olimpics
Als campiunadis mundials da la gimnastica artistica a Glasgow è l'equipa dals gimnasts svizzers sa qualifitgada per l'emprima giada dapi 24 onns per ils gieus olimpics. En la qualificaziun han ils gimnasts svizzers cuntanschì la 6avla plazza.
L'equipa dal trenader naziunal Bernhard Fluck èn uschia en il final da team, quai che munta era la qualificaziun sco equipa per ils proxims gieus olimpics.
En la concurrenza multidisciplinara han Pablo Brägger (11.) e Christian Baumann (14.) sa qualifitgads per il final dals megliers 24. Oliver Hegi è vegnì otgavel en la concurrenza al rec e stat uschia sco sulet Svizzer en in final da l'urdain.
