Naziunal/Internaziunal - Tom Lüthi manchenta podest
Il motociclist svizzer Tom Lüthi ha manchentà sia segunda plazza da podest da questa stagiun. Lüthi è vegnì quart en la cursa da moto2 a Jerez en la Spagna.
Gudagnà la cursa ha il Tudestg Jonas Folger avant il Franzos Johann Zarco ed il Spagnol Esteve Rabat. Ils ulteriurs Svizzers n’han suenter ina schletta qualificaziun ier, era betg pudì persvader en la cursa dad oz: Randy Krummenacher è vegnì 14avel e Dominique Aegerter 16avel.
