audio
Ski alpin: Slalom gigant Kranjska Gora - Hirscher scriva istorgia
ord Sportissimo dals 04.03.2017.
laschar ir. Durada: 2 minutas 39 Secundas.
A moda suverana ha marcel Hirscher gudagnà il slalom gigant dals umens a Kranjska Gora. El va per la 6avla giada en seria per la culla da crital gronda. Plinavant ha l'austriac er gist segirà la culla da crital pitschna.
Sin il podest
- 1. Marcel Hirscher (Austria)
- 2. Leif Kristian Haugen (Novegia) +0,46
- 3. Matts Olsson (Svezia) +0,67
Ils megliers Svizzers
- 8. Elia Zurbriggen +1,08
- 10. Loïc Meillard +1,30
- 12. Justin Murisier +1,32
Justin Murisier ha era patì da la mal’aura. El era suenter il prim percurs anc terz. En il segund percurs ha el denant perdì bler temp ed è uschia era crudà ord ils top ten.
Loïc Meillard ha nizzegià ch’el ha pudì partir baud e ha en il segund percurs fatg meglier temp. Cun quest ferm percurs ha el gudagnà 12 plazzas e ha cuntanschì in bun 10avel plaz.
Ils dus Grischuns - Gino Caviezel e Carlo Janka èn gia crudads ora en l'emprim percurs.
RR novitads 14:00