Tar la Diamond League a Birmingham en la Gronda Britannia ha Lea Sprunger gudagnà la cursa sur 400 meters obstachels. Cun 54,86 secundas va'la per aur avant la Giamaicana Janieve Russell e l’Americana Dalilah Muhammad.
Cun questa victoria è Sprunger ussa selecziunada fix per il final da la Diamond League al «Weltklasse Zürich» en in'emna e mesa. En il Letzigrund vegn Lea Sprunger a finir sia stagiun da stad.
RR novitads 16:00
