Legenda:
31:42,5:
Quai è il temp che Ustjugow ha duvrà per gudagnar la cursa da 15 kilometers cun start da massa.
Keystone
cuntegn
Naziunal/Internaziunal - Ustjugow va per victoria russa a Falun
Il Russ Sergej Ustjugow ha gudagnà la cursa da passlung da 15 kilometers en stil liber a Falun en la Svezia. Per Ustjugow è quai la segunda victoria en questa stagiun da passlung.
En il spurt ha Ustjugow declassà il Talian de Fabiani cun in avantatg da 0,3 secundas sin plaz dus. Segund è daventà il Talian Francesco de Fabiani. L'emprim dal classament general, Martin Johnsrud Sunby, è vegnì terz
Ils quatter Svizzers al start han tuts ramassà puncts da la cuppa mundiala. Curdin Perl è daventà 16avel, Toni Livers 24avel, Roman Furger 27avel e 30avel Jonas Baumann.
